【世界睡眠日】瞓得好的10個小習慣
Yesnews Style
2016-03-18 17:16:56
您尋日瞓得好唔好呀？瞓得夠唔夠呢？您知唔知道原來係今日3月18日，係「世界睡眠日」呀？今年既主題更加係「良好的睡眠是捉得到的夢想」（Good Sleep is a Reachable Dream），所以話瞓覺真係好重要架！
但對於有D人黎講，瞓得好其實有可能係件非常奢侈既事。想每晚好好咁瞓一覺都幾乎係無可能。
就此，今日我地將會為您帶黎10個令你瞓得好的小習慣，幫您好好入睡，同其他人一齊捉緊夢想！
1. 千祈唔好逼自己瞓著
正如您無法將自己整暈一樣，其實您同樣都係唔可以強逼自己瞓著的。所以就算你唔可以即刻瞓著，都只能夠瞓底休息等睡意自然出現，勉強係無幸福，反而令您更加清醒架！
2. 唔好諗自己應該點樣瞓著
有D人會係臨瞓之前，會一直諗住自己要瞓夠幾多個鐘，點至為之瞓得好。但其實將一切既想法放開唔好諗，睡眠既質素先至能夠提升。
3. 順奇自然有睡意先瞓
有睡意既時候就算可能好快乍醒，但有總好過無，如果唔係就會連小小休息既機會都會錯過左，之後就點碌都瞓唔番著。
4. 養成小睡半小時既習慣
有人認為將自己整到有幾攰得幾攰，去到夜晚就一定會瞓得著，但其實實際情況卻係會完全相反，反而會令您無辦法好好入睡的。所以假若您有失眠既問題，較為可取既方法係於下午既時候小睡或者係閉目養神半小時，咁樣反為可以令你充一充電。
5. 1比1的動態及靜態活動
一日有24小時，而係安排活動及休息時間既時候，應該盡可能做到12小時進行動態活動，然後再分配12小時靜態。咁樣做既話就能夠令人係晚上7點之後安靜落黎，準備入睡。
6. 保持心境平靜
當我地既心越帶平靜，我地就越能夠快D瞓著。因此係黃昏既時候，有咩唔開心、恐懼就應該儘早釋放出去，咁就能夠令你係夜晚以平靜既心情準備休息。
7. 了解是否跟荷爾蒙失調有關
失眠既症狀及睡眠既質素，其實都有機會受到荷爾蒙失調影響所致。例如女仔既話，月經既週期就會直接影響每個月既睡眠質素，因此大家可以嘗試向醫生查詢，睇下自己既失眠係唔係同荷爾蒙有關。
8. 學習靜默冥想
假如你平時比其他人容易乍醒，仲會係早成一、兩個鐘，咁你就可能係壓力過大，有機會你患上左憂鬱、焦慮症。要舒緩壓力，您或者可以試下學習靜默冥想，就算是忙碌既都市人都可以騰出約5分鐘既時間冷靜自己，慢慢學習調節個人心裡狀況，從而改善睡眠質素。
9. 食含有蛋白質既早餐
研究顯示係早餐既時候進食含有蛋白質既食物，係能夠即時增加人體內既皮質醇水平的。因此當時間黎到黃昏時分，人體既皮質醇就會因已經消耗而轉為下降，從而能夠令人於晚上安然入睡。建議每天係早上攝入約20克既蛋白質，而且持續要曝露係陽光之下30日，改善睡眠質素。
10. 每天定時起身
無論你想瞓幾耐都好，最好都係定時定候要自己起身，令身體既生理時鐘學習您既能睡眠週期，從而調整你既睡眠質素。
來源：HuffingtonPost
【原文連結】
【世界睡眠日】瞓得好的10個小習慣
12
5
12
12
12
12
12
12
12
12
12
11
11
11
11
11
11
11
11
11
